Продолжуваат возбудувањата на меморијалниот турнир во мал фудбал Влатко Петров во Чардаклија. Иако на распоредот имаше предвидено 4 натпревари, сепак вчеравечер беа одиграни само 3.
Екипата на Ролотренд кратко време претходно информираше дека нема да може да се појави на теренот.

Во првиот натпревар се сретнаа екипите на Радање и Колев Polish&Shine. Радање со доста убедлива победа отвори на стартот победувајки ја екипата на Колев Polish&Shine со резултат 9:2.
Со тоа ги запиша своите први 3 бода на табелата во групата.

Вториот термин беше резервиран за екипите на Радање и Ролотренд, но екипата на Ролотренд не се појави, па така со службен резултат од 3:0 екипата на Радање ја запиша својата втора победа и заработи нови 3 бода. Екипата на Ролотренд пак, според правилникот им се одземени дополнителни 3 бода, па така доколку реши да учествува во останатиот дел од турнирот ке има доста тешка задача да ги анулира бодовите и да избори пласман до позициите кои водат во нокаут фазата.

Третиот натпревар беше помегу екипите на Dzurdzu Farm и Такси DeLux. Натпревар со доста пресврти кој на крај заврши нерешено со резултат 4:4 и бодовите беа поделени. Dzurdzu Farm во последните секунди имаше прилика преку пенал од 10 метри да извојува многу значајна победа, но пеналот не беше реализиран. Овој натпревар го одбележа еден од најубавите погодоци досега на турнирот од страна на Валери Штерјов за екипата на Dzurdzu Farm.

Во последниот термин се сретнаа екипите на Техногума и Dzurdzu Farm, каде убедлива и поуспешна беше екипата на Техногума совладувајки го Dzurdzu Farm со резултат 7:3. Така екипата на Техногума со освоени 4 бодови е на чекор до обезбедување на позиција која води до 1/4 финалето, додека Dzurdzu Farm со освоен 1 бод од два натпревари има тешка задача да го постигне истото да избори пласман во натпреварите во елиминациона фаза.

Вечерва на натпреварот се 3 натпревари :
20:30 Пиљара Fresh Fruit - Вергови
21:30 Б.Р. Сашо ГИС Скопје - Зелен Сигнал
22:30 Б.Р. Сашо ГИС Скопје - Ролотренд

Ве очекуваме.