Продолжува меморијалниот турнир во мал фудбал во чест на Влатко Петров во Чардаклија. Вчеравечер беа одиграни 4 натпревари кои изобилуваа со мајсторска игра и феноменални погодоци.

Во првиот термин силите ги одмерија екипите на Електро ДМ и Бако Транс. Натпревар со 5погодоци каде убедливо славеше екипата на Електро ДМ со резултат 4:1 и со тоа на своето конто ги запиша и вторите 3 бода па така со вкупни 6 бодови го дочека следниот натпревар.

Вториот термин беше резервиран за екипите на Електро ДМ и Динамо Штип. Натпревар кој директно одлучуваше за кој ке се пласира во 1/4 финалето. Победникот од двете екипи продолжуваше во нокаут фазата. Во еден интересен и неизвесен натпревар на крајот сепак како победници излегоа екипата на Електро ДМ кои со тесен резултат од 5:4 славеа и со тоа го заверија пласманот во 1/4 финалето.

На третиот натпревар деби имаше екипата на Вистони ЖП Босилово, која најави висок пласман и со победа стартуваше против екипата на Вергови со резултат 5:4. Така ги запишаа првите 3 бодови.

Последниот натпревар екипата Вистони ЖП Босилово ги одмери силите со домакинот Чардаклија. Овде домакинот Чардаклија немаше сила да се спротистави на екипата на Вистони ЖП Босилово и убедливо загуби со резултат од 10:6. Така по два одиграни натпревари екипата на Вистони ЖП Босилово стигна до максимални 6 бодови.

Вечерва на распоредот има 4 натпревари :
20:00 Agro Smart - Бако Транс
20:50 Dzurdzu Farm - Матива
21:40 Dzurdzu Farm - Драгеви
22:30 Техногума - Драгеви

Ве очекуваме.