Трет ден од возбудувањата на меморијалниот турнир во мал фудбал во Чардаклија, Влатко Петров 2024. Трет ден одлични натпревари со многу голови и мајсторска прикажана игра од сите учесници.
Прекрасни се импресиите од досега одиграните натпревари кои беа одиграни со многу жар и борбеност од страна на сите учесници во борбата на позициите на табелите кои водат до нокаут фазата и 1/4 финалето.

Вчера се одиграа вкупно 4 натпревари и беа постигнати вкупно 34 погодоци.
Во првиот натпревар кој се одигра во 20:00 часот се сретнаа двете екипи кои на хартија се едни од главните фаворити за највисоките места. Дербито во групата В помегу екипите на AgroSmart и Електро ДМ изобилуваше со прекрасна игра и мајстории на играчите и голем пресврт. Електро ДМ на полувреме замина со резултат од 3:0 и сите помислија дека работата беше завршена, но така не мислеше екипата на AgroSmart и на крај со целосен пресврт убедливо славеше со конечен резултат 6:3. Со тоа AgroSmart ги запиша првите 3 бода и најави дека сериозно претендирa за врвот.

Во вториот натпревар одигран од 20:50 поправна шанса имаше екипата на Електро ДМ против екипата на Оптимус. Оптимус почна фуриозно и поведе со 3 разлика со што за кратко ја шокираше екипата на Електро ДМ, која сепак подоцна се консолидираше и ја покажа својата сила, па со голем пресврт дојде до доста убедлива победа со резултат од 13:5 и со тоа се врати во игра за позициите кои водат во елиминациска фаза.

Во Терминот од 21:40 деби на турнирот имаа екипата на Вергови и екипата на Перо и Тајфата. Иако и двете екипи имаа убави прилики, екипата на Перо и Тајфата подобро ги искористија своите шанси и извојуваа победа со резултат од 5:2. Перо и Тајфата ги запишаа своите први три бода, додека екипата на Вергови првите 3 бода ќе ги бара во некои од наредните натпревари.

По ефикасните три натпревари, во последниот натпревар одигран во терминот од 22:30 мрежите од головите мируваа. Иако натпреварот изобилуваше од шанси, своја вечер имаа голманите недозволувајки голови во својата мрежа. Екипите на Техногума и Матива со тоа ги поделија бодовите и сега и двете екипи имаат по 1 бод.

Возбудувањата продолжуваат и вечерва со нови 4 натпревари на распоредот :
20:15 Радање - Колев Polish&Shine
21:05 Радање - Ролотренд
21:55 Dzurdzu Farm - Такси DeLux
22:45 Dzurdzu Farm - Техногума

Ве Очекуваме .