Меморијалниот турнир во мал фудбал Влатко Петров полека стигнува до финалните натпревари кои ке се одржат на 02.08.2024 на ден Илинден на спортскиот терен во Чардаклија.
Вчеравечер се одиграа полуфиналните натпревари и со тоа ги добивме финалистите за ова издание.

Во првото полуфинале од 20:30 се сретнаа екипите на Agro Smart и Драгеви. Фуриозен старт на екипата на Драгеви кои по водство од 4:0 се чинеше дека убедливо и смирено ќе обезбедат учество во големото финале. Но екипата на Agro Smart со силен финиш стигна до намалување на резултатот на само 1 гол негатива во последните минути. Сепак екипата на Драгеви успешно го приврши натпреварот и заслужено се пласираше како прв финалист со конечен резултат од 5:4.

Во вториот полуфинален натпревар се сретнаа екипите на Електро ДМ и Радање. Натпревар со доста спортски жар и доста неизвесни моменти екипата на Електро ДМ на крајот дојде до убедлива победа од 9:4 и закажа средба со екипата на Драгеви во финалето. Екипата на Радање беше достоен противник во првиот дел од натпреварот и имаше и водство во повеќе наврати, но екипата на Електро ДМ искусно на крај славеа и се чекираа во финалето.

Утревечер на големиот македонски празник Илинден ќе се одиграат натпреварите за 3то место и финалето во следните термини :
20:00 Agro Smart - Радање - Натпревар за 3то место
21:30 Драгеви - Електро ДМ - ФИНАЛЕ

Ве покануваме да присуствувате и да ги проследиме натпреварите и затварањето на ова 24то издание на меморијалниот турнир Влатко Петров 2024.